"Dingana manan-tantara amin'ny fanavaozana ny toekaren'i Madagasikara no atrehintsika ankehitriny dia ny fanombohana ôfisialy ny fandaharanasa PCP, izay hanome lanja ny famokarana, famoronana asa mendrika ho an'ny tanora amin'ny fananganana rafitra matipaika mifototra amin'ny fiaraha-miasan'ny sehatra rehetra", hoy ny Filohan'ny Fanavaozana ny Repoblikan'i Madagasikara, ny Kôlônely RANDRIANIRINA Michaël, tamin'ny lanonana fanombohana ôfisialy ny fandaharanasa amin'ny fiaraha-miombona antoka na PCP (Programme de Partenariat Pays - Programme for Country Partenership). Fiaraha-miasan'ny Fanjakana malagasy sy ny ONUDI, Fandaharanasan'ny firenena mikambana ho an'ny fampiroboroboana ny indostria.

Nisolo tena ny Lehiben'ny Faritra Analamanga tamin'izany ny Sekretera Jeneralin'ny Faritra, RAMANANTSOA Ramarcel Schall.