Tonga nanolotra "takela-pitaratra fahatsiarovana" ho an'ny Lehiben'ny Faritra Analamanga mpisolo toerana, RAHARINIRINA Clémence, ny Klioba Fandrefiala sokajy zazavavy latsaky ny 16 taona. Ho valim-pitia tamin'ny tantsoroka azon'izy ireo nentiny tany amin'ny fiadiana izay ho tompondakan'i Madagasikara, nizotra tany Ambositra ny 22 ka hatramin'ny 30 aogositra lasa teo.

Tsiahivina fa lasan'ny Fandrefiala ny anaram-boninahitra maha tompondakan'i Madagasikara taranja basket-ball sokajy zazavavy latsaky ny 16 taona. I HANITRINIALA Nirisoa Ninah, Kapitenin'ity ekipa ity, rahateo no voahosotra ho mpilalao mendrika indrindra na MVP nandritra ny fifaninanana.