Ho fankasitrahana ny fanampiana nataony dia natolotr'ireo atleta solontenan'Analamanga ho an'ny Lehiben'ny Faritra Analamanga mpisolo toerana, RAHARINIRINA Clémence, ireo amboara azony tamin'ny fiadiana izay ho tompondakan'i Madagasikara ho an'ny olona manana fahasembanana. Amboaran'ny laharana faharoa teo amin'ny tsipy kanetibe olon-droa miaraka vehivavy sy ny taranja basket-ball. Fanampin'ireo dia nahazo medaly volamena efatra sy volafotsy iray ireo atleta avy eto Analamanga.

Faly tamin'ny vokatra azo ny Lehiben'ny Faritra Analamanga mpisolo toerana, RAHARINIRINA Clémence, ka nankasitraka sy nampirisika ary nirary soa ho an'ireo atleta ho lasa lavitra hatrany.

Hiatrika ny fiadiana izay ho tompondakan'ny Ranomasimbe Indianina hatao eto Madagasikara ny 27 oktobra ka hatramin'ny 2 novambra izao indray izy ireo.