Nahatratra 122 ny isan'ireo olom-pirenena tonga nisoratra anarana ho ao anatin'ny lisitry ny mpifidy tamin'ireo mpiasa eo anivon'ny CEP, Kaomisiônina misahana ny fifidianana ho an'ny Faritanin'Antananarivo avy eo anivon'ny CENI, tety amin'ny biraon'ny Faritra Analamanga. Isan'izany ny Lehiben'ny Faritra Analamanga, RAHARINIRINA Clémence, sy ireo mpiara-miasa aminy akaiky ary ireo tale isan-tsokajiny avy.

Tsiahivina fa hifarana amin'ny 24 novambra izao ity dingana voalohany amin'ny fisoratana anarana ho ao anatin'ny lisitry ny mpifidy havaozina manontolo ity, manerana ny Nosy. Averina eny anivon'ny fokontany izany amin'ny 9 janoary 2027 mba hahafahan'ny olom-pirenena tsirairay manamarina ny momba azy.