Araka ny fangatahan'ny Lehiben'ny Faritra Analamanga mpisolo toerana , RAHARINIRINA Clémence, dia tonga ety amin'ny biraon'ny Faritra ireo mpiasa eo anivon'ny CEP, Kaomisiônina misahana ny fifidianana ho an'ny Faritanin'Antananarivo avy eo anivon'ny CENI, manatanteraka ny fandraisana ny anaran'ireo mpiasa ho ao anatin'ny lisitry ny mpifidy. Ankoatra ny famahana ny olan’ny mpiasa amin’ny fivezivezena dia mifanandrify amin’ny iray amin’ireo fomba dimy ahafahana misoratra anarana anatin’ny lisitry ny mpifidy izany, dia ny fanatonan’ny CENI eny amin’ny toerana be olona.

Mitohy hatrany ny asa fanamboaran-dalana ataon'ny Faritra Analamanga. Vita soamantsara koa ankehitriny ny lalana eny Ambohibao mihazo ny kaominina, izay mirefy 1582 m2.

Isaky ny 05 oktobra dia ankalazaina manerantany ny andro natokana ho an'ny mpampianatra mpanabe. Tetsy amin’ny ANS Ampefiloha no nanamarihana izany ho an'ireo mampianatra sy mpandraharaha mivondrona ao anatin'ny kaofederasiônina sendikaly SEMPAMA. Fotoana iray nanehoana ny firaisankina sy ny fahavononana hatrany amin’ny fanatsarana ny tontolon’ny fanabeazana.

Hetsika telo ho fiarovana an'ireo zaza malagasy no niara-natomboka ôfisialy androany alatsinainy 5 oktobra teny Anosisoa Ambohimanarina : ny fanaovana vakisiny fanefitry ny kitrotro ho an'ireo zaza eo anelanelan'ny 9 ka hatramin'ny 15 volana, ny fanomezana vakisiny hisorohana ny lefakozatra ho an'ny zaza vao teraka ka hatramin'ny 59 volana ary ny fanomezana vitaminina A. Haharitra 5 andro ny hetsika izay ho maimaim-poana avokoa.

Handeha hiatrika fifaninanana iraisampirenena any La Réunion ny klioba Kintana Football Academy. "Challenge Lucet Langenier" izay fifaninanana ho an'ny zazalahy latsaky ny 13 taona, hizotra any Sainte Suzanne ny 17 sy 18 oktobra izao. Nangata-tsodrano tamin'ny Lehiben'ny Faritra Analamanga izy ireo.

𝘛𝘢𝘰𝘳𝘪𝘢𝘯'𝘯𝘺 𝘧𝘪𝘢𝘵𝘳𝘦𝘩𝘢𝘯𝘢 𝘯𝘺 𝘵𝘰𝘮𝘱𝘰𝘯𝘥𝘢𝘬𝘢𝘯'𝘪 𝘈𝘧𝘳𝘪𝘬𝘢 𝘩𝘰 𝘢𝘯'𝘯𝘺 𝘵𝘢𝘳𝘢𝘯𝘫𝘢 𝘒𝘢𝘳𝘢𝘵𝘦́ 𝘞𝘒𝘍 𝘪𝘻𝘢𝘺 𝘯𝘰𝘵𝘢𝘯𝘵𝘦𝘳𝘢𝘩𝘪𝘯𝘢 𝘵𝘢𝘯𝘺 𝘈𝘭𝘨𝘦𝘳𝘪𝘦 𝘥𝘪𝘢 𝘯𝘢𝘩𝘢𝘻𝘰 𝘮𝘦𝘥𝘢𝘭𝘺 𝘢𝘭𝘪𝘮𝘰 𝘪 𝘖𝘳𝘯𝘦𝘭𝘭𝘢, 𝘴𝘰𝘬𝘢𝘫𝘺 𝘒𝘜𝘔𝘐𝘛𝘌 𝘜21, 𝘳𝘢𝘩𝘢 𝘭𝘢𝘩𝘢𝘳𝘢𝘯𝘢 𝘧𝘢𝘩𝘢 5 𝘬𝘰𝘴𝘢 𝘪 𝘔𝘢𝘵𝘩𝘪𝘦𝘶 𝘵𝘢𝘰 𝘢𝘮𝘪𝘯'𝘯𝘺 𝘴𝘰𝘬𝘢𝘫𝘺 𝘒𝘈𝘛𝘈 𝘊𝘢𝘥𝘦𝘵.